ADVERTISEMENT
NEWS EXPRESS is Nigeria’s leading online newspaper. Published by Africa’s international award-winning journalist, Mr. Isaac Umunna, NEWS EXPRESS is Nigeria’s first truly professional online daily newspaper. It is published from Lagos, Nigeria’s economic and media hub, and has a provision for occasional special print editions. Thanks to our vast network of sources and dedicated team of professional journalists and contributors spread across Nigeria and overseas, NEWS EXPRESS has become synonymous with newsbreaks and exclusive stories from around the world.
Yesterday morning, I siddon dey tink all dose my new year swear wey no dey even reach one day. I come talk am for my mind say, for dis new year o, I must to make all di ones wey I don dey swear teletele work. I say na my new year swear for 2022 be dat – dat is, to make all my old new year swear work. And I mean am!
As I jus talk dat one finish, small time, one passenger like dat waka enter our garage.
Di sisi say e wan take. charter. I say no wahala, I dey kamkpe. After all, na money we dey find.
Di sisi ask me how much be charter for one day. I tell am di price. Di sisi say no troublem at all. E open im hand bag, bring out money to pay. I come see say di money na dollar. Olorun Oba o!
Di sisi count dollars give me. E come count anoder dollars give me say dat one na for di second day. I tell di sisi say, e for wait make we finish one day work before e pay for anoder day own nah.
Di sisi come tell me say na so e wan pay, say for di two days wey e charter my guonguoro so, na day and night I go work.
E say I go carry am go anywia e wan go for day time, for night I go dey with am for im hotel room for Yaba and service am till tomorrow evening wey I go carry am go drop for airport wen e go go back to Italy. E say na im make e pay me in dollars in advance. Na so all my body be like say dem pour me ice water.
See me, see dollars! But shey I fit do dis day and night shift? Italy ashi no go kill me dis new year o.
Na so I beg di sisi say make e no vex, say I no get power for dat kind charter. I tell am say my own charter na only for day, e no include night service. I say make e take back im dollars, abeg.
But I come tell am say I fit call anoder taxi driver for am wey fit do dat kind charter.
I no even wait make e answer me. Quick, quick I call Mutiu for am make dem talk. As Mutiu come, I give back di dollars to di sisi and lef di two both of dem for dia.
Today na day two now, Mutiu never show face for garage make I ask am how far.
Nobody fit get me dis new year lai lai.
Make we jam again on Tuesday.
Tank you
Tank you very much
And tank you very, very much indeed.
