Confusion don jam bone as Niger Delta militants under Egbesu Liberation Fighters don provoke say dem go attack and skata building s and oda properties for Abuja and Lagos

For video wen AIT show on Tuesday, Egbesu boys wear cover face and soldier uniforms draw ears about dier wahala plans against Abuja and Lagos.

One of dem wen talk on behalf of Egbesu Liberation Fighters halla say na di poor implimentation of Amnesty programme for Niger Delta naim wan bring anoda round of gbege very soon.

Hear wetin eem yan: “No schools, no clean water, no light and no road for our piple to enjoy life till date.

“Many years now Niger Delta piple dey find good environment but gofernment nor help matters. Dem dey use small pikin handgloves to be handle important matter or plenty problems. Dem leave us to be dey on our own. And dis nor good.

“For example federal de use military boats to patrol our region water and land all di time. Dem dey wunjure and kpai our piple. Dem dey rape our women and take patrol contracts from our many experts.

“Make federal dey do but we dey come Abuja and Lagos very soon. We go skata and destroy properties and places. Wi go yawa infrastructures and Oil facilities, onshore and offshore will dabaru Naija economy very soon.”