One grup of water travel piple don konfirmate say almost 2,200 teavelers naim kpeme for di year 2020 as dem won enter Europe thru Canary Islands.

Travelers wen don taya for kondition for home and wan vamus to Europe plenti well well dis year, especially dose when dey go tru korna korna way as patrol around di Meditarenian coast of South Spain don bi big wahala.

Authority for di canary Island alternative yan say total if 2170 piple don kpai or kpeme as dem try enter Spain by boat, kondition wen far pass 893 when kpeme for di same root for 2019.

Di independent jambodi wen dem call caminanda fronteras when dey luk after water waka of migrants halla say 85 per cent kpeme inside 45 pepepe kaynu or ship when skatta inside di sea.

One member of di monitoring grup, Helena Maleno halla say kpeme plenti bikos of di far distance and bifor bifor reskue service wen dem skatta.

Maleno yan say lak of put head togeder by reskue kontries like Spain, Mauritania be, Senegal and Moroko dey promote di kpaing as no quik reskue once yawa gas.

Di plenti arrival of travelers into Canary force many of dem to stay jagajaga places last month for Island of Gran Canaria.

Later later dem kom transfer di migrants to one military kamp and hotel inside di island.

Di shortest journey to canary Island na about 100 kilometres or 10 miles from Moroko but ee dey with plenti wahala bikos of heavi kurent of di Atlantic Ocean.