Former militants don draw ear for Federal Gofernment and EFCC to vamoos property of dier Oga Government Ekpemupolo a.k.a Tompolo with no be waste of time. Dem strong giv federal gofernment and EFCC 30 days to vamoose or face dier wahala inside di Niger Delta

On Saturday, di grup dem kall 21st century youths of di Niger Delta and agitators wit konscience para say Ijaw and Niger Delta Youths no gofit fold hands mukule wen demdey oppress dier Oga from federal level.

Dem halla President Muhammadu Buhari to quik quik shook mouth for EFCC decision to okupy Tompolo properti and block eem akount for no good reason.

For e-mail wen koordinator General Izon Ebi send, dem want Buhari to behave bifor dis mata kos anoda big wahala.

Dem say ee bad well well EFCC refuse to obey kourt order wen say Tompolo nor do anything rong.

Di statement say: “Di treatment against Tompolo and eem family by EFCC and oda agencies of FG na di mountain of oppression on one lider of fi Niger Delta .Wi kall on Buhari to put bodi and mean well for Niger Delta as dem konolude for recent round table mitin.

Di kambodi yan say if Buhari nor shake bodi for 30 days make eem accept wetin eem see and be hear. Dem add say dem go mobilaiz youths and women to occupy Tompolp proparty bikos hungar dey beat workers and dier families since EFCC seal Tompolo companies and property.

Dem konklude like dis: “Workers need to resume work quick quick .Di peace for Niger Delta creeks na Tompolo effort and komitment to maintain peace. My gofernment need to maintain and not kaus gbege. Make dem vamoose di proparty sharp sharp.”