Na NELSON DAFE dey nack dos tori

Diplomatic Missions of di United States, Australia, Japan, Norway, Canada and di UK wey dey for Nigeria don welcome di signing of di second Peace Accord by di candidate of di political parties wey dey contest for di upcoming Presidential election.

“We encourage all actors to intervene proactively to calm any tensions and avoid any kasala for di periods before, during and afta di elections.” Dem tok for one joint statement.

Dem also call on all officials including di law enforcement authorities to make sure dem create safe and conducive environment during di elections.

Candidates from 18 political parties wey dey participate for di presidential election wey dey hold on 25 February don sign one peace accord for Abuja, di kontri capital.

Pipo wey dey present for di signing of di peace accord na members of di National Peace Committee, President Muhammadu Buhari plus presidential candidates of different political parties wey include: Rabiu Kwankwaso – New Nigeria Peoples Party (NNPP); Omoyele Sowore – African Action Congress (AAC); Bola Tinubu – All Progressives Congress; Peter Obi – Labour Party; Atiku Abubakar – Peoples Democratic Party, among odas.

Di presidential candidates make commitment to “accept and abide by di outcome of di 2023 presidential election and if issues arise”, dem go “deploy constitutional means and appeal to di courts rather dan oda unconstitutional means”.

•British High Commissioner Catriona Laing board members of YAIGA Africa, American Ambassador to Nigerian Stuart Symington

Update news