Na NELSON DAFE dey nack dis tori

Di family of one Nigeria univesiti student wey dem say dem arest for inside Aso Rock sake of say he curse First Lady Aisha Buhari don dey beg make dem forgive di boy.

Di parents of Aminu Adamu Mohammed say dem believe say dem arest dia pikin becose of wetin him tok abaut how Aisha Buhari bodi be for June.

Tori wey dey be say di 23 years old boy come comment on one Mrs Buhari picture and come yan say na Nigeria money wey she thief she dey chop wey make her get bodi so.

Di Naija branch of Amnesty International, wey be human rites organization say make dem free Mohammed o, say govment no get rite to detain am for notin.

Di first lady and pipul wey dey govment neva yan put for di mata.

Mr Mohammed parents say na afta some days na e dem come know say dia pikin dey miss.

Him papa say he receive short fone call from he son,he come tok say dem hold am for Abuja becose of wetin he rite for Twitter abaut Mrs Buhari.

Di student uncul Shehu Baba Azare com tell tori pipul say dem hope say dem go soon leave am.

For di message we he send Mrs Buhari direct, he say: “First Lady abeg forgive am and let am go. You na mother. Na wetin we dey pray for be dis.”

Update news