Na NELSON DAFE dey nack dis tori

One popular man wey dem know for politics and economics Pat Utomi don give reasons why Labour presidential candidate Peter Obi go likely win next year presidential election.

Utomi yan for Channels TV say unlike wetin many pipul dey tok,Obi no only popular for social media alone,he still popular well well for ground and he go fot win di election next year.

Utomi say na so dem dey doubt some candidates for Malawi,Zambia,Kenya and Botswana say na only for internet dem know dem, until dem come win election gon gon.

“Africa pipul don taya for bad govment wey no dey work. Na demsef na e politicians know. Dem go sell dia pipul dey take dey okay," na so Utomi yan.

Utomi, wey be big man for Labour party wey Obi dey, come tok say na youths Obi go use take win di 2023 presidential election.

He say na youths many pass for pipul wey wan vote.

“ We get beta plan wey clear. Many pipul no dey come out come vote for many election even though awa population dey increase. Why e be like dat?

Normally before,most of di votes for election dey come from rigging. Now di electoral law don make am hard to rig.”

“Young pipul wey before dem go say “I no GI vote,make dem do wetin dem want” don tok say na dis time,na lie o. Dem no go jakpa. Dem don decide say dem go stay and save dia country,” na so Utomi yan.

“Na dis young pipul so na dem many pass wey wan vote. Awa plan na to make di youngl pipul vote and make dem protect dia votes. Dem go shine dia eye as dem dey count di votes”.

Update news