Na NELSON DAFE dey nack dis tori

One man wey dey rake say he fit take 11 bottles of ogogoro, nothing go hapun to am,don kpai afta he take 9 bottles. Dis one hapun for Bokkos local govment for Plateau State.

One woman leader for dat side, Hasfat Abubakar say di man, wey dem no really know who him be, tell di seller say make she give am 11 bottles of ogogoro. He come dey rake say he go finish all of dem and nothing go do am.

Abubakar say dem tell her say di man succeed drink 9 bottles but he no come fit drink di remaining 2.

Di man kpai instanta and na so di seller pack her tins wey she dey sell, pick race.

Before di man kpai, blood come dey come out from he nose, ear and mouth.

One hunter wey dey pass come shock when he see di man. He come call di village pipul. Dem come carry di man go bury.

Dem say di man get wife and 5 children.

Update news