Na NELSON DAFE dey nack dis tori

Di kind cloth wey Vice Presidential Candidate of APC, Senator Kashim Shettima, wear go di Nigeria Bar Association (NBA) meeting for Eko hotel for Lagos don cause many tok for social media o.

Shettima, wey be say na former govnor of Borno state him be, go represent Bola Ahmed Tinubu for di NBA meeting and di cloth wey he wear dey make pipul yan plenty for Twitter.

Shettima wey be say na big Hausa agbada wey dem dey call baban riga na him dey like to wear well well before, come surprise pipul as him show di NBA event with suit and sneakers show with one tie wey long well well.

Pipul laff am tire for dis dress no be small.

Reno Omokri,wey work follow President Goodluck Jonathan, yan say if common to dress well Shettima no know,h e no go know how solve Nigeria problem too.

“See Tinubu running mate. Who he head correct wey go go conference with suit and come still wear canvas wey dem take dey go gym join am,” na so Omokri yan for Twitter.

Anoda person for Twitter come yan say di person wear bring di idea say make Shettima wear suit and canvas go di NBA conference wan just laff am.

“Who give Shettima coat. E be like dos days wey our parents go force Chrismas cloths put for our body and tell us say 'no worry e fit you’”, na so anoda person yan for Twitter.

“Whoever suggest say make Shettima wear suit need to be arrested,” na so person for Twitter still tok.

Update news