Na NELSON DAFE dey nack dis tori

Bola Ahmed Tinubu campaign pipul don react to di tok wey professor Wole Soyinka tok put for video wey him fellow Pyrates Confraternity men bring come out wey dem come dey laff Tinubu say he no well he wan be president of Nigeria.

For di video so, some pyrates men, wey dress with red and white, come dey gyrate and dey use di speech when Tinubu give for Ogun state before di APC presidential primary dey yab am.

For di speech so, Tinubu come dey say ‘Emi lokan’. E mean for Yoruba say ‘na my turn’. E say na e turn to be president of Nigeria.

Di pyrates guys come dey sing: “Hand dey shake, leg dey shake, Baba wey no well, e de shout ‘emi lo kan”.”

When e dey yan about di mata so,Soyinka come say him no happy at all as di Pirates men dey use health mata dey laff Tinubu.

E say for di culture wey he come from dem no dey do use pesin sickness dey laff am.

Soyinka tok say one of the best friends before na CLR James. “I dey call am my uncle for book mata. Di man suffer from Parkinson disease but him brain still sharp well well for many years. Me with am dey together well well and I no go fit support anything wey dey mock di disease wey he get,” na so Soyinka yan.

But dis one wey Soyinka tok so no sweet APC pipul and Tinubu campaign men.

Dem.say Soyinka dey take style dey tok say Tinubu get Parkinson desease and so he no go fit rule Naija.

“Dem dey vex say Soyinka reveal too much about Tinubu health,” na so one person yan.

Update news