Na NELSON DAFE nack dis tori

Police for Kwara don parade di son of one retired Army major wey dem say na eiye confraternity na e dey. Dem say dem dey terorise Ilorin wey be Kwara.state capita. Na last weekend dem parade di boy so.

Dem say di suspect yan say he fall one student of Unilorin wey dey follow am drag number one man for Ilorin son. He come still kpai one barber for he shop for Ilorin.

Police tori man Mr Ajayi Okasanmi come yan say na sharp policemen wey dey on patrol na dem catch di cultist.

He tok say di suspect na member of one thief gang him be and after more investigation dem come see say na cultist too.

Okasanmi say: “Di suspect confess say him na Eiye member, and na number two man for Ilorin zone him be. During one of di runs wey dia cult go, him and one of e friend (dem no tok him name, and him dey on di run now) come kill one barber Ismaila Alabi for him barbing shop for Agbooba area for Ilorin on 21 April. Dem carry on English pistol and one local pistol for di mission.”

Okasanmi still tok say di suspect still confess say last year February him shoot and kill one person wey dem call Emmanuel “M’ wey be Unilorin student make e post for quick high to number one man for Eiye.

“E say na e late papa wey be retired major pistol na e use for di missions wey e go.”

“He say di pistol dey with one of dia Eiye member hand and dat one dey hide now. Investigation dey go on now to catch di other suspects.”

He say di suspects wey dem. don catch say dem don carry dem go court and dem dey remand for jail.

Update news