By NELSON DAFE

Edo State Polis Command don announce say dem don arrest one Edo Vigilante Group memba Abdulrahman Agbontaen, wey just carry gun dey shoot children wey dey play ball for Enabulele street for Ogida quarters for Benin city.

Tori man for di command Bello Kontong for statement wey e give tok say: “At about 9 for morning for April 24, police come get distress calls and come arest one Abdulrahman Agbontaen wey carry gun dey shoot children wey dey play street football.”

“Na pump action automatic gun na im e use take shoot dem and 9 of dem injure different injury. Dem rush dem.go Stella Obasanjo hospita.”

Wey e dey tok wetin hapun,Agbontaen say e want make di children stop di ball because dem destroy im propati with di ball wey dem dey play.

E say di boys dem no listen to am na im make am carry e gun begin shoot dem.

“I tell dem make dem. Stop to play ball for my area but dem no hear. Dem don use di ball destroy tins for my house, na im make I warn dem but dem no gree.

“Na vex I take shoot di gun because I suspect say dem be cultists. But I regret wetin I do now and thank God say nobody die,” na so Agbontaen yan.

Kontong say dem go check Agbontaen for hospita weda im head correct and say dem go carry am go court for attempted murder and.illegal possession of firearms.

Egor acting local government chairman Dr Igbinigie say di mata shock am. E say make police investigate di mata and do di right thing.

Update news