By NELSON DAFE

Louis Van Gaal wey be one of di futbol coach wey popular pass for dis world don tok say im get cancer disease. E say na prostate cancer im get. Na dat kind cancer wey be say e no dey let person piss well.

Na on Sunday here na im Van Gal, wey be Holland nashional teem coach, share di sad news for one TV program for Holland wey dem Dey call Humberto.

Di foma Man United coach, wey be say e still coach Naija great players Kanu Nwankwo and George Finidi for Ajax many years ago, say im bin hide di bad news from im playas for dis International break wey just pass so.

Van Gaal na 70 years e be.

“I no tell my playas becos e for affect dem when dem Dey play,” na so Van Gaal yan.

“Since I Dey coach di nationa teem so, na so so hospital I Dey go go treat myself. Di playas no no until now. Dem tink say I Dey ok but I no strong.”

Van Gaal Win FA Cup for Man United For 2016 bifor dem come sack am bring Jose Mourinho.

E don win leeg as coach of Barcelona, Bayern Munich and Ajax. E still win Champions Leeg too wit Ajax.

Na cancer kee im fest wife Fernanda Obbess.

For di interview so wey e take Dey promote one new film about im life, Van Gaal yan day “Sickness don show me Pepe taya for my life. Na so e show my wife Pepe too.”

Na Van Gaal go coach Holland for dis World Cup wey Dey come for Qatar later dis year.

Update news