By NELSON DAFE

One bilionya wey wan buy Chelsea,wey e name na Nick Candy don yan say e go dey spend moni wella for Chelsea if dem let am buy di club.

The man, wey e be say na land bizness e dey do, don say e redi to buy Chelsea for more than 2 bilion pounds from.Roman Abramovich hand and e come show paper wey e wan take buy befor di dedline wey dem dey risiv pipul offa pass on Friday.

Candy say e company wey dey everi wia for dis world go manage Chelsea in a new way.

He come stil promis say Chelsea fans go dey di bod of di club wey go dey deside wetin di club wan do.

For fans wey dey doubt weda Candy go dey spend beta moni to dey buy players as Abramovich dey do, Candy say na simpul mata: “We go folow as e dey be before (to dey soend beta moni dey buy playas). Dat style neva fail us and e don help us wella,” na so Candy tok.

“If I buy di club I no go change doz pipul wey dey manage di club now. If dem wan stay, I go like make dem stay. Why I go change somtin wey dey work for us? But I no want make we be like Man United wey be say na just one big famili na im get am. I want make we set anoda exampul of how dem take dey own club,” na so Candy still yan.

“Why e go be say na one big famili go get di club wey be say last last di fans go come hate dem becos dey no put dia moni for di club? E sopoz be say na difrent fans of di club from all ova di world wey go dey manage di club.”

Update news