Obafemi Awolowo University on Friday for Ile Ife don tell one landlord wey get one hostel wey dem dey call BVER make e come tok wetin hapun to one 100 level student wey her name be Ajibola Heritage. Dem say di student by mistake fall for inside tank wey dem dey put water. She come kpai inside the water.

Di tori man for di skul wey e name be Abiodun Olarewaju na e yan dis wan. E say no be di skul get di hostel,but di skul dey put eye for wetin dey hapun for di hostel sake of say di hostel dey inside dia compaund.

For inside di statement wey Olarewaju give, e com yan say: “Di pipul wey dey manage OAU don tell di owner of di hostel wey dem dey call BVER, wia di girl for kpai so, to come explain wetin hapun” and say dem dey wait make he ansa.

“All di hostel wey dey di skul no be skul get dem,na difrent landlord dem. Di skul only dey put eye for wetin dem dey do,” na so Olarewaju yan.

He com stil yan say police pipul dem.don put hand for di mata and na dem.dey in charge of di case now.

(Na Nelson Dafe bring dis tori for pidgin)

Update news