Arm robas for early monin on Tuesday com atak one house for Kubwa, wey be one town for inside Bwari Council for Abuja, and dem come rape one small girl wey be only 15 years. Dem com still tiff for inside di house. Di wicked arm robas dem use rope tai di family membas as dem come dey use force dey nak di small girl.

Wen tori pipu com reach di house,di famili pipu no fit tok wetin dia eye see becos di tin shok dem well well.

But sombodi com tell tori pipu say di mata hapun araund 3am to 4am for monin for pipeline area for Kubwa. Di pesin tok say na 3 arm roba na e com di house and one of dem cari gun.

E say wen di arm robas nok for di door,one of di famili pipu come dey open di door,na em dem come just use force push di door and enta inside di house. Dem.come gada di 5 pipu wen dey di house put inside one room and come tie dem. Na onli one small boy wey be 4 years na e dem no tai. Dem ton di haus upside down com begin cari everi tin wey dia hand fit cari.

Tori pipu com hia say na di onli girl for di famili na e dem rape so.

Wen tori pipu go meet di Abuja police tori pesin,wey her name be Josephine Adeh, she com tok say she neva hia how di mata tru tru hapun.

(Translated by Nelson Dafe from Daily Trust report)

Update news