As everything don ready for di launch of di South East regional security group, Chairman of South East Security Committee, Rtd Major General Obi Umahi, don deklarate say IPOB Eastern Security Network (ESN) na illegal or fake group

Umahi konfirmate on Thursday February 11 say plan dey to declare open the Ogbonge South East Security group very soon.

Eem say everything to get the Ogbonge South East security group don ready as every delay of bifor don comot from road.

Gen. Umahi say all di 5 South East states don ready to do wetin dem mean to do since 2019.

Chairman of South East Gofernors Forum and Ebonyi State Gofernor, David Umahi, don first yan about dis after dier January 12, 2021 mitin. Eem say dem don form ogbonge security jambodi for South East region.

Do Gofernor even say training and retraining of piple don start.

For di national TV interview, Umahi yan say: “Dem do ban malu open grazing bikos of di plenty wahala. Every state go use motor security for quick results and make sure South East naim get peace pass for Naija.

“Did gofernors plan well and dem dey try. No bi say plan kari fall, so we deserve praise even as we nor dey make noise with am. Piple need to salute us.”

Meanwhile, Rtd Major Obi Umahi join praise South East gofernors and federal gofernment. Eem say federal dey try for security but some bad bad eggs dey surutu or sabotage di effort. Eem no mention di bad eggs.

Di former be GOC, 81 Division of Nigerian Army beg Naija piple to cooperate make Naija no dabaru.

Eem conclude with draw ear say IPOB Eastern Security Network na fake or illegal pata pata.

Update news