Sabi bukuru resarchars for University of Ilorin (UNILORIN) don rekomend say Pineapple ingredient wen dem dey kall Bromelain de kampe to fight yama yama diziz of korona virus or koro

Informate book or report of di university wen dem open Monday, January 18, 2021 say dis Ogbonge pineapple ingredient informate kom after torchlight and brainworks of Professor Bamidele Owoeye, wen bi Head of Department of Physiology, and Mr Ahmed Bakare, wen be Ph.D candidate for UNILORIN.

Owoeye explanata say Bromelain inside pineapple get pawa to replace or help heal wounds and nerves wen koro don weak.

Eem kall on authorities not to joke with pineapple tritment of koro.

Di report wen dem kall “Bromelein fit reduz pro inflammatory and anti-anxiety effect” happen through torchlight and brainworks of di University sabi piple after Bakare first deklarate say pineapple fruit kampe well for treatment of pain and nerve wounds wen dem know as Neuropathic.

Di professor say witout support, di resarch team for still dey dreamland. For example, Resarcha Bakare nor fit gadar di 1,690 pounds dem need to publish dis report.

And for eem kontribution, di deen of post graduate skools, University of Ilorin, Prof Gafar Bello, salute di resarchas for dier good work.

Eem add say dis ingredient dey fight koncentration of cytokines wen dey appear for bodi after bad job of koro.

Di ogbonge professor wen also bi regional Akowe of West Africa Society of Neuroscientists clap hands for di director of Central Research Laboratories, Prof Musa Yakubu for plenti supoort for di resarch team, bifore dem publish am.

Eem praise Bakare but kurse some bukuru piple wen dey kpake or grab oda piple jobs. Hi also say di University go encourage resarchas with different rewards and awards, apart from di ogbonge price dem dey always give to resarcha of di year.

Update news