Di big stone wen Katolic Bishop of Sokoto, Hassan Kukah, tro go up ova condition of Naija never still land as many, many piple, Christian, kultural and etnik janbodies dey strong face and para.

Jambodies of Christain Association of Nigeria, and di Katolik Seketariat of Naija don klap hand and hail Kukah, but Arewa Youth Konservative Forum, Koalition of Northern Grups and Tiv Youth Kouncil nor like di yannings atall atall

Hear yanning: “Dis plenti plenti killings bi like say bi like say anoda bad tins won foloram to quench our kontri, abi anoda plan dey?

Bishop Kukah Ekeresimesi bomb na for eem message for “nation wen dey search for vindication” where eem yan say naija don klose to wipe away or fade out.

Eem yan say Naija bi like wetin won enter darkness and lost. Akordin to ram only gofernment fit explanate where wi dehgo as ordinary piple nor know

Dier national president Alhaji Yerima Shetima voke for Abuja say eeh rung for Kukah to say dem deyuse nepotism and jibiti to fall naija piple hands. Eeh advais federal gofernment to put eyes for Rev Kukah for trying to kurse gbege between North and South

Di National Director of Katolik Seketariat, Fada Mike Umoh, deklarate say kukah yan well as na tru tru eem yan inside plenti sekuriti and food wahala.

Umoh tell naija piple to follow di truth and also draw ear against konfusion inside religion and social matas.

But Koalition of Northern Grups sing different song say dem go drag rev Kukah to international kriminal kort bikos eem yannings dey against goferment of President Muhammadu Buhari

Arewa Youth Konsutative Forum provoke and halla say make dem arrest and try kukah for bad talk

Di jambodi of Kristains for 19 states and Abuja still stand gidigba behind Kukah say eeh wrong to twist truth wen Kukah yan, as such parole nor fit Naija rekonsruktion.

Dem say kukah nor belong to bend bend talk grup inside kontri where sekurity don pafuka or yamutu. To dem Kukah nor kall for ovatro.

Mike Misuam, president of Tiv Yuth Kancil tell sekurity agencies to questio Rev Kukah more about dis matta bikos eem wan take heads of North and South take jam each oda.

Update news