Heavii kasala and gbege don gas for Imo State between before gofernor Rochas Okorocha and present one Hope Uzodinma ova projekts when dem do skatter skatter now with bulldozers and katerpila.

Okorocha de para say Uzodinma dey kari skatta all di good projects when eem do for about eight years eem rule Imo state bifor eem komot office

Okorocha halla with mouth or eem Special Assistant Media Sam Onwuemedo say na skatta skatta when no get head naim Uzodinma gofernment de do

Akordin to di statement, “I dey beg Gofernor Hope Uzodinma to stop skatta skatta of my projekts I do for Imo piple for ova 7 years. Eem nor de do anything, so make eem stop dis bad belle.”

Dis dust still blo on Tuesday, December 22, 2020 when Uzodinma komand katerpilla to skatta di Orlu Road - Assumpta Randabout when Okorocha konstruct to check go slow, especially dis kind time when plenti piple and moto dey waka. Eem no tell Imo piple di risin.

“Dis na bad belle as eem also dabaru anoda projy be Akanu Ibian Tunnel for Port Harcourt road junction wen wi build to save lives as piple dey too die there bifor di project.

Okorocha still komplain about Somto Hospital for Douglas Road Owerri wey dem skatta. Eem say dem build am to remember one ten-year-old boy when be sekuriti piple kill wen demdey bulldoze Ekeukwu Owerre Market.

But Uzodinma dey hold ground say di skatta skatta na to kler jagajaga for road to alau moto and piple waka well, especially for Owerri di state capital, without wahala

Gofernor Uzodinma say demkontract one kompani wenbe Ogbonge for konstruction of modern roundabouts to do so with traffic lights for papapa movement.

Di gofernor beg Imo piple to bear with dem ova go slow bikus of rekonstruction

But Okorocha yan again say na lie bidat bikos eem projects when Uzodinma skatta beta pass di present ones.

Eem say eem project materials bam pass Uzodinma own. Okorocha konklude say wetin pain am pass na say Uzodinma dey skatta project and abandon di place with no reconstruction.

Update news