NewsExpress banner Firstbank Verve banner Fidelity bank card banner Umm Sulaim's Thoughts Camano banner

Abeg who helep me see my guonguoro key?

By News Express on 22/10/2019

Gmail icon

Views: 581

To do taxi driver work for Lagos no easy rarara. I swear! If na lie I talk, make I tanda naked baf for bafroom.

E get day wey man go siddon for garage from morning till night, no passenger go jus show face. And e get di day wey be say you go work from morning till morning, you no go even get chance chop.

And dis rain wey come dey fall everyday so, come dey cause anoder wahala for road. Any day rain jus drop small like dis, na so all di road for Lagos go turn to River Jordan.

Wen e dey like dat, man pikin go jus find one place park till di rain stop. If you say make you do shakara put your motor for road wen rain dey fall, hmn, na so water go jus carry you, your passenger and your motor go trowey for Lagos lagoon. Olorun maje!

Na im make as heavy rain fall yesterday morning, I say make I siddon for house small. All of us complete for house - me, my wife Bose, my first woman pikin Bisi and im sister Funke.

 Small time, na im my chinko torch light phone begin ring. Wen I see di name of di person wey dey call, I no gree pick di call. Dat my busybody pikin, Funke come tell me say daddy pick your call nah. I ask am wetin concern am.

Di phone ring again, I no pick. E ring di third time, na im I cut am piiaam.

 If you see di kind eye wey Bose take look me wen I cut di call, if small pikin see di eye, e must to get convulsion.

Na so di phone come ring again. Torin Olorun! Abi dis buka girl wan cause wahala for my family?

I carry di phone rush go for backyard. I pick di call, na im Sikiratu begin hala me why I no wan pick im call.

I tell Sikiratu say weda e no know say I dey for house. E say how e go take know, weda e be wintch to sabi say by 10 o’clock am in di morning I still dey for house.

I ask am weda e no see dis kind rain wey dey fall. Sikiratu tell me say na even becos of di rain e call me. E say e wan ask me weda I no go come dia buka (Madam Shine Buka) , say cold too much, make I come cover am small.

Sikiratu say di rain don dey come down, make I begin dey come, say e dey wait for me. E say if I no come now, now, now, make I no talk to am again lai lai.

See as dis buka girl hold me for work o! Well, I like my Siki Babe. I tell am say “Your wish is my commander.”

I rush enter parlour again. I tell Bose and my two woman  pikin dem say, as rain don dey stop small small, I wan begin go our garage wey dey near Ikeja under bridge.

Na Funke first tell me bye bye. Bisi do like say e too busy with di book wey e dey read. Dia mama do like say e no hear wetin I talk. Me I no mind dem, I must to go wia I wan go.

I rush go on top of cupboard wey I dey keep my guonguoro key, I no see am. I use hand search everywia, I no see am. I look inside di cupboard, I look under, I no still see di key.

Na im I ask who see my guonguoro key for here. Nobody answer me. I look Bose, Bose come ask me why I dey look am like dat.  I ask am weda e see my key. My wife ask me wetin concern am concern my key.

 E come tell me say make I find di key well well come begin dey go, sebi I don turn to blanket wey dey cover cold.

I come talk am for my mind say, abi dis people been come take style listen wen I dey talk for phone with Sikiratu for backyard? Se dem don hide my guonguoro key make I no comot?

Small time, na im my phone come dey ring again ti-ti-ti, non stop. And na Sikiratu. Olorun Oba o!

(To be continued)

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 22/10/2019 12:18:40 PM





You may also like...
U.S Election: Trump goes to court

NAF neutralises several insurgents at hideout in Ngoske,...

Platonic relationships and sexual fantasies

Alleged Fraud: HURIWA accuses Presidency, EFCC of providing...

Buhari to PDP: Don’t suspend campaign, withdraw from...

Nigeria and Kenya stalemate: REALITY CHECK FOR KESHI...

Army nabs 36 for impersonation, other offences; releases...

Senate rejection of Magu as EFCC Chairman in...

FG approves concession of Lagos, Abuja, two other...

Algerian court convicts two former prime ministers of...

Nigeria moves up in Transparency International ranking

2019 election not a do -or-die affair: Buhari’s...


Latest News BREAKING: 28 family members die in auto crash Banks shut over robbery scare Angry Police officers beat runaway suspect to death NLC spits fire, says no excuse for states not to pay minimum wage Evil stepfather, six others gang-rape, infect minor with HIV Unthinkable things happened during Kogi, Bayelsa polls — National Security Adviser Passenger slumps, dies at Lagos airport minutes after arrival from China PUNCH Editorial: Repent, apologise and retrace your steps, Intersociety tells Buhari, Osinbajo APC govs renew moves against Oshiomhole Buhari mourns 67 soldiers killed in terrorist attack 20 aspirants join Anambra 2021 governorship race INEC reviews election security framework


Most Read NUDE PHOTO OF OMOTOLA JALADE-EKEINDE surfaces online (571,564 views) Nigerian female sex addict opens up, says ‘I like it with both men and women’ (456,484 views) Shameless Genevieve Nnaji exposes breasts in public (406,418 views) Finally named: The full list of friends of Nigerian female sex addict who prowled Facebook (341,438 views) OLUMBA OLUMBA OBU (the one who called himself God) IS DEAD (307,761 views) 10 cars more expensive than Jets (292,113 views) Igbo scholar disgraces Femi Fani-Kayode •Demolishes claims on Igbo/Yoruba history with facts and figures (261,268 views) Breaking News: POPULAR REVEREND CONVERTS TO ISLAM in Kaduna (Nigeria) (260,346 views) OBJ’s son reported dead in Lagos plane crash •Names of more victims emerge (241,770 views) My wasted years in Olumba Olumba Obu’s Evil Brotherhood (228,306 views) Lagos plane crash: Journalist releases victims’ names (203,975 views) THE FINAL DISGRACE: Igbo scholar unleashes more facts about Igbo/Yoruba history, finishes off Femi Fani-Kayode with second article (200,357 views)


CBN milk production

CBN banner advert

UBA Wise Savers Promo


Categories Advertorials (3) African Press Organisation (81) Art & Literature (112) Business & Economy (4,620) Business Verdict (89) Columnists (1,156) Complaints & Requests (98) Enterprise & Opportunities (221) Entertainment (718) Features (855) Global Business Monitor (498) ICT Monitor (73) International (4,320) Interview (219) Live Commentary (30) Love Matters (178) Maggie's Blog (514) News (55,149) Opinion (1,438) Pidgin (18) Politics (11,880) Religion (1,133) Sports (2,255) Stock Watch (41) AMA & Al Jazeera Global Update







APO Group Partner




GOCOP Accredited Member

GOCOP Accredited member



Africa Media Agency and Al Jazeera