Notin like dat: America govment say Hushpuppy no do frod for prizin

Posted by News Express | 18 March 2022 | 595 times

Gmail icon

•Hushpuppy

 

By NELSON DAFE (Translated from BBC report)

America govment don tok say na fake news be di rumor wey dey rain say Naija guy Hushpuppy collet 400,000 dollas from maga for inside prizin.

US arest Hushpuppy for 2020 becos of di crime wey im comit,wey e be say e dupe pipu come tiff moni wey reech 24 million dolas. Hushpuppy (wey dey 37 years now) dey jail for US now and e dey wait to hia how many years e go stay for prizin afta e confes say tru tru,e tiff di moni.

On Thursday, rumo just full everi wia for social media say Hushpuppy use intanet for jail take hamma maga for America dia. Pesin no no wia dis rumo from stat but e just dey rain.

But one ofisa for US State Department of Justice come yan say notin like dat and no be from dia side di news from come.

“Di document wey dem dey show pipu say Hushpuppy hamma na fake one. We don ask FBI wey dem say na dia di document come out from and dem say notin like dat,” na so di ofisa yan.

Hushpuppy can post foto befor as im dey live large for Instagram, wia im get 2.5 milion folowas. For one of im wayo, Cort say Hushpuppy been wan tiff 1.1 milion dolas from one pesin wey been wan help one children skul for Qatar.


Source: News Express

Readers Comments

0 comment(s)

No comments yet. Be the first to post comment.


You may also like...