Day angry youths ban Oyo, Ondo gofernors from Sarkin Hausa Palace

Posted by News Express | 18 February 2021 | 542 times

Gmail icon

•L-R: Gofernor Akeredolu, CP Ngozi Onadeko, and Gofernor Makinde


Anoda big gbege don shele as Hausa youths wen provoke don ban gofernor of Ondo, Rotimi Akeredolu, plus inkluding Oyo State gofernor Seyi Makinde, from visiting palace of Hausa leader, Alhaji Haruna Maiyasin, Sarkin Shasa, Oyo State.

Akeredolu plus inkluding Makinde first visit di Akinyele Local Gofernment Area to see with dier koro koro eyes how things baje after crisis between Yoruba and Hausa traders for Sunday, February 14, 2021 bifor dis ban from angry Hausa youths.

Some piple kpai and properties of plenty money pafuka for di katakata befor di two gofernors come beg for peace and make wahala no dey again.

As dem plan to visit Sarakin Shasa, di Hausa leader, di youths come say make gofernors go pay condolence visit  to do village head and nor bi visit to Sarkin Shasa or leader palace

Akordin to report for Daily Trust newspaper, effort by Commissioner for Ekelebe/Police, Ngozi Onadeko, to calm dem down fropo or fail. Dem come dey shout “wi no go gri until una visit Baale palace first.”

After all di noise and plenty talk, di gofernors come accept di condition of di youths not to go straight to palace of di Hausa leader, Alhaji Haruna Maiyasin, Sarkin Shasa.

Shasha market na one of di main place for food crops from North of Naija. After di recent gbege between Yoruba and Hausa traders, Oyo State Gofernment orda di closing patapata. As we dey yan so, security jambodies don kool di tension.

Source: News Express

Readers Comments

0 comment(s)

No comments yet. Be the first to post comment.

You may also like...