Niger Delta militants fit dekler war again — IYC

Posted by News Express | 24 January 2021 | 575 times

Gmail icon

•Niger Delta militants


Di jambodi of Ijaw Youth Council (IYC) don dekler say drm fit start anoda war wahala again if federal gofernment refuse to give the Niger Delta region all di tins wen Presidential Amnesty Program approve for dem quick quick.

Dem take hand knack ground knack chest to say Naija nogo fit survive anoda round of gbege from Niger Delta youth. To dem dis sime sime and wuru wuru politics for top of Amnesty plan for dem need to stop now.

Akordin to president of the council, Timothy Igbifa, the program of amnesty na to make life beta for youths inside creeks by way of jobs and general development.

Eem say di amnesty program for Niger Delta youths good but some piple don kolobi and poison nam as notin at all at all di reach diet youths and region.

Igbifa wen yan for Port Harcourt say di amnesty program dey kampe but corrupt politicians don dabaru ram and turn am to tori tori Indian film. Eee say dem bi dey wait as gofernment dey suck dier oil for oshofri level.

Raymond Akparhure: Eem say ee wrong for gofernment to tink say matta end with youths wen surendar guns and oda wepons. Eem say youths de provoke now so make goferment maintain by releasing full presidential amnesty package for dem.

Dis inklude jobs and development of Niger Delta region kia kia.

Igbifa konklud on behalf of Ijaw Youth Council say make dem do quick bifor youths go provoke enter kreeks again.

Na dier hope say di re appointment of Rtd Col. Millland Dixon Dikio as standby Oga of Presidential Amnesty Program fit make gofernment re arrange dem head for dis amnesty package matta.

Source: News Express

Readers Comments

0 comment(s)

No comments yet. Be the first to post comment.

You may also like...