Posted by News Express | 7 January 2021 | 759 times
Anoda Orishirishi don shele as Kurt don skata 4year old marriage bikos of wife wen sabi lik ogogoro and bottles of beer feed eem baby with beer.
For a eem judgement on Tuesday, January 5, 2021, president of Tuntun Magistrate Kurt Ibadan, Chief Henry Agbaje, deklarate say eem skata di marriage so dat peace go dey for the marriage and area.
Eem hand di only baby girl of di marriage to di wife and tell the husband Wasiu to dey pay N5,000 monthly allowance for feeding of di be baby.
Did abomination happen for old citi of Ibadan were Abosede Adesonwa and Wasiu Adesonwo bi husband and wife bifor kurt skata di marriage bikos of di wife Abosede love for beer wen bikom danger for life.
Bifor den, Wasiu wen bi baker don say eem wife na hevy shakis woman.
Hear him talk: “My wife fid our three and a half year old girl with beer. I nor really know say she bi shakis woman bifor wi mari. Na later she kom dey show me pepper and her true kolor.”
But Abosede Adesonwo wen bi peti peti trader still tell di kurt say she don make up her mind to say bye bye to her husband as wasiu dey always beat am.
Akordin to ram, “My marriage nor sweet again, ee nor get meaning at all at all.”
No comments yet. Be the first to post comment.