Posted by News Express | 12 December 2020 | 818 times
Kasala Don dey won bus between forma Oga patapata of Naija and Oga of Oodua People’s Congress, Aare Onakakanfo of Yoruba land, Gani Adams. Ee bi like say first to blow toro bekos of plenty katakata wen dey shele. for dier mata.
Di gbege start wen Obj knack sand for Gani eye after mitin with big big Yoruba men.
Dier mitin for house of Pa Ayo Adebanjo for Lagos kom pak plenti Iwhoriwho or dust since dis month.
OBJ tro counter punch as eem yan bad bad tins against Adams.
OBJ Yan say Adams na yau yau person when won beg to bi important person for Yoruba land and also beg for forgiveness ova bad tins of bifor.
But Adams don tell tori piple for Lagos say obj dey Yan dust bekos di talk nor get head.
“Baba Obasanjo get pawa to Yan opata but I nor ask for forgiveness or reconciliation. Wetin pain me bi say Obj de yawa my karakta .Eem nor bi progressive element both when eem dey office and as eem komot.
“I nor fit dey same kaynu with someone when no gree move forward… When eem say eem nor like my karakta na becos eem no bi progressive Nigerian.”
Gani Adam kom say eem bi nor want attend di mitin but respect for one Yoruba elder PA Ayo Adebanjo naim make eem appear.
Adams accusate Obj of spoiling eem name even as no komotion happen for di mitin… Eem say eem nor go is small pikin handglove follow who dey spoil eem name.
Adams draw ear say eem nor go ever go obj house for any mitin again bekos water don pass garri on top of OBJ yannings.
OBJ never halla again even as eem press seketiri dey won pour cold water for di hot fire.
No comments yet. Be the first to post comment.